Idiome en Gesegdes uit die tyd van die Ossewa (Kakebeenwa).

 

Hoffie Williams, 'n inwoner van Jeffreysbaai, maak gebruik van 'n miniatuur ossewa om, aan veral jongmense, te verduidelik hoe die Voortrekkers die waens gebruik het veral gedurende die Groot Trek in die 1830's en 1840's.


'n Groot verskeidenheid gesegdes het hul oorsprong te wyte aan die Ossewa en Hoffie het 'n lysie gemaak van die bekendste daarvan en ook die betekenis daarvan gegee - word aangegee in hakies.
 

Foto verkry uit Humansdorp se Museumversameling

 

- Hy  klap  die  sweep.   (Hy  is  in  beheer).

- Hy  sal  die  wa  deur  die  drif  kan  trek.  (Hy  sal  die  probleem  kan  oplos).

- Dis  tyd  om  weer  onder  die  juk  te  kom.  (Dit  is  tyd  om  weer  te  begin  werk).

- Hy  is  op  die  afdraand  met  die  briek  los. (Hy is  in  die  moeilikheid).

- Hy  kry  dit  hot-agter.  (Hy  is  onder  druk,  die  drywer  met  die  sweep  het  by  die  hotagter  os  geloop).

- Agter-os  kom  ook  in  die  kraal. ( Die  twee  agterosse  moes  alleen  die  wa  in  die  waenhuis  kry  aan  die  einde  van  die  dag,  en  is  die  laastes  wat  uitgespan  is).

- Hy  is  ‘n  klein  jukskei,  met  ‘n  groot  kop.  (Hy  kan  oral  gebruik  word).

- Hy  is  ‘n  skei-breker.  (Hy  is  ‘n  moeilikheid-maker).

- Hy  het  tou  opgegooi.  (Hy  sien  nie  meer  kans  vir  die   werk  nie).

- Hy  het  oor  die  tou  getrap.   (Hy  het  die  reëls  verbreek).

- Die  tou  laat  slaplê.   (Nie  jou  kant  bring  nie).

- Hy  sny  breë  rieme  uit  ‘n  ander  man  se  vel. (Jy  is  nie  so  spaarsamig  met  iemand  anders  se  goed  nie).

- Hy  ploeg  met  ‘n  ander  man  se  kallers.  (Hy  gee  voor  ‘n  ander  een  se  idees  is  sy  eie).

- Die  hand  aan  die  ploeg  slaan.  (Begin  werk).

- Hy  span  jongosse  in.  (Hy  word  naar  en  gooi  op).

- As  jy  meneer  en  ek  meneer,  wie  sal  dan  die  wa  moet smeer. ( Iemand  wat  te  belangrik  is  om  nederige  werk  te  doen).

- Hy  is  ‘n  remskoen.   (Hy  hou  die  werk  op).

- Hy  is  ‘n  lunsriem,  of  ‘n  teer-tou.   (Hy  is  ‘n  vuil  vent).

- Hy  het  die  strop  om  die  nek.   (Hy  is  getroud).

- Hy  trek  nou-strop  of  bo-kerf.   (Hy  kry  swaar).

- Hy  is  ‘n  vyfde  wiel  aan  die  wa.   (Hy  is  nie  daar  nodig  nie).

Begraafplaasfoto's se belangrikheid weereens bevestig.

Jeffreysbaai - Strandstudie

Ons is bevoorreg om te woon hier waar die 2 de grootste kontinent naamlik Afrika, die grote Indiese oseaan ontmoet en hier word verskillende ekosisteme gevind, elk met sy eie unieke kenmerke.

Ekosisteme word omskryf as: " A system of communities of organisms, which interact with one another and their physical environment". Plankton, seewier, marine diere en organismes vorm 'n ingewikkelde voedselketting wat direk deur die mens beïnvloed kan word deur bv. groot oliestortings en onbeheerste visvangste.

JBay Geselsgroep groet: Godfried Abel Potgieter

Die Jeffreysbaai Genealogie en Geselsgroep het onlangs afskeid geneem van 'n toegewyde lid van die groep - 'n regte "gentleman".

Verwesenliking van ‘n Droom

Dit kan 'n uitdaging wees om dokumentasie en familiegeskiedenis vir die nageslag te bewaar omdat groot genoeg ruimte nie altyd beskikbaar is vir hierdie doel nie.

Toewyding, deursettingsvermoë en 'n passie vir geskiedenis ( "History" = "his + story") het gelei tot 'n unieke en praktiese oplossing vir die uitstal van 'n groot hoeveelheid inligting in 'n beperkte ruimte. Besonderhede oor die vernuwing en veranderinge, wat oor jare by 'n geskiedkundige kerk plaasgevind het, het so behoue gebly asook die bewaring van 'n kosbare familiegeskiedenis.

Die NG Moederkerk in Stellenbosch.
Foto : Internet

" Genealogical Spin" - Great interpretation of facts

     Judy Rudd an amateur genealogy researcher in south east Queensland , was doing some personal work on her own family tree. She discovered that ex-Prime Minister Kevin Rudd's great-great uncle, Remus Rudd, was hanged for horse stealing and train robbery in Melbourne in 1889. Both Judy and Kevin Rudd share this common ancestor.
    
The only known photograph of Remus shows him standing on the gallows at the Melbourne Jail.

Ferreira familie

My skoonpa, Daniel Joel Ferreira was die tweede jongste van tien kinders.

Daniel Joel Ferreira met broers en susters en hul gades

Op die begrafnis van die laaste kind, het ‘n niggie, twee neefs, sy vrou en ek bymekaar gestaan toe die een neef nl. Johann Ferreira van Interkaap, die aanmerking maak dat die familie (neefs en niggies) nou seker nie weer mekaar sal sien nie. Die ander neef, Rens Ferreira , se toe: “Hier staan drie vroue. Laat hulle vir ons ‘n Familie-saamtrek reel”.

Laerskool Groothoek, Melon

TECH TALK - Data Storage

SSDs and the (eventual) end of hard-drives

Hard-Disk-Drives (HDDs) are mechanical devices with spinning platters, not unlike old vinyl
records, but instead of grooves, small magnetic blocks are used to save or load information in the form of 0's and 1's by magnetizing or reading the magnetized polarity on the platter's surface. They also have a 'head', that like a record player, swing to and fro over the platters to read or write information.



This is an amazing piece of robotics but it has it's limits… Although hard-drives come installed in laptops, they are not really intended to be used whilst moving. A small bump can cause the head to bump against the platter, causing irreparable damage. Hard-drives can recover and ignore that 'bad block' but over time the disk will quickly continue to degrade, until eventually one day, your data is lost.

BEWARING VAN GENEALOGIESE REKORDS - BETER BEWUSMAKING

'n Epos ontvang van Trevor Muntingh, lid van die Genealogiese Genootskap van Suid-Afrika, lei tot 'n soektog na 'n boek oor die Ballot-familie in Suid Afrika geskryf deur Prof. F.W.Marx.

MODE ONTWIKKELING OOR DEKADES EN DIE IDENTIFIKASIE VAN HISTORIESE KLEREDRAG IN SKETSE EN FOTO’S

     Tydens ‘n onlangse besoek aan die Humansdorp Museum het Annemarie Carelsen – kurator van die Ditsong Museums - ‘n insiggewende praatjie gelewer oor die datering van voorwerpe, tekstiele asook sketse en foto’s aan die hand van kleredrag, haarstyle en objekte. Na die praatjie het sy deur die museum se versameling gewerk, klerasie in verskillende tydperke verdeel en die geraamde datum van elke stuk gegee.

Annemarie besig om klere te dateer

Gamtoosrivier Oorstromings van 1916

     Na aanleiding van 'n versoek ontvang van Richard Wolfaard van GGSA, Wes-Gauteng oor die 1916 vloed in die Gamtoosvallei waarin van sy famile omgekom het, is daar in Humansdorp Museum gesoek na enige inligting wat met die vloed verband hou en interessante inligting is dan ook aan hom gestuur. Die soeke in die Museum het egter onverwags gelei tot die ontdekking van inligting van genealogiese belang soos die adres van 'n voorsaat, wat 'n advertensie geplaas het om sy woning te verhuur, die verkiesing van 'n ander voorsaat tot die skool se komitee en ook die name van voorsate gepubliseer in die koerant omdat skenkings gedoen is aan die rampfonds gestig na die 1916 vloed.
     Sulke nietige inligting versterk die besef dat die voorsate omgee mense was en maak hulle in 'n sin meer menslik en nie slegs name en datums nie.

Aardrykskundige Woordeboek - Nederlandse stede en dorpe

Die Aardrijkskundig woordenboek der Nederlanden (1839-1851) is 'n reeks van 14 boeke deur A.J. van der Aa en is digitaal beskikbaar op die volgende plekke:



https://archive.org/search.php?query=Aardrijkskundig%20woordenboek%20der%20Nederlanden


http://www.heuristiek.ugent.be/?q=vmt/aardrijk






Ook nuttig is die Schatkamer der Nederlandsse Oudheden; of Woordenboek, behelsende Nederlands Steden en Dorpen, Kastelen, Sloten en Heeren Huysen, ... (ens.) van Ludolph Smids (1711)


Hierdie boek is beskikbaar by Google Books (gratis) of as individuele "scans" by dbnl.org
Google Books:


http://bit.ly/1RKDhBo


http://www.dbnl.org/titels/titel.php?id=smid001scha01






(Ek gebruik selfs die Google Books-een, weet nie of die een by dbnl.org volledig is nie.)




Ook uiters handig is die Toponymisch Woordenboek van België, Nederland, Luxemburg, Noord-Frankrijk en West-Duitsland, deur Marits Gysseling (1960)



http://bouwstoffen.kantl.be/tw/




Geskryf deur Anrie Hoogendoorn

Oesterbaai

Uittreksel uit die webwerf www.oesterbaai.info

'n Onlangse soektog oor inligting van plekke om te besoek tydens  'n reis na Kaapstad het  interessante ontdekkings opgelewer  in die vorm van 'n webjoernaal oor Joubertina en Oesterbaai wat geskep is deur  Mias Strydom.

Probeer gerus die onderstaande skakels en lees oor die geskiedenis van Oesterbaai en kom meer te wete oor Joubertina - daar is selfs 'n kaart van die dorpie en pragtige foto's van die dorp en omgewing.

www.oesterbaai.info

www.joubertinadorp.co.za



Navorsing Beginpunt

Anrie Hoogendoorn het na aanleiding van 'n navraag oor waar om met genealogie navorsing te begin, die volgende antwoord op SAGen gegee en plaas dit (met haar toestemming). Dit kan beslis ook nuttig deur ander voornemende navorsers gebruik word.
 

Mode ontwikkeling oor dekades en die identifikasie van Historiese kleredrag in sketse en foto’s

‘n Unieke geleentheid om meer van jou familie se erfstukke te wete te kom vind op Maandag 11 Januarie 2016 by die Humansdorp Museum plaas wanneer Annemarie Carelsen, kurator van die Ditsong Nasionale Kultuur Historiese Museums vanaf 1984, ‘n besoek bring aan die plaaslike museum met die doel om navorsing te doen oor klerasie en tekstiele wat hier uitgestal en gestoor word.

Kleredrag ongeveer 1945

Annemarie sal tydens die besoek aan Humansdorp Museum tussen 10:00 tot 12:00 beskikbaar wees om meer inligting te gee oor antieke voorwerpe en foto's. Belangstellendes kan klerasie, ou artikels of foto's saambring en sy sal dan meer inligting daaroor verskaf asook geraamde datums gee.

Die besoek vorm deel van ‘n navorsingstoer deur die Oos-Kaap, waartydens ‘n aantal museums besoek gaan word op soek na unieke tekstiele artikels en sluit o.a. die Drosdy Museum in Uitenhage, die Port Elizabeth Bayworld versameling en Oos Londen versameling ook in.

Annemarie is kundig in die identifisering van historiese kleredrag in foto’s en sketse. Sy het ‘n Meestersgraad in Geskiedenis oor interieur van historiese huismuseums en het uitgebreide kennis van die datering en klassifisering van ou tekstiel, hout- en metaalvoorwerpe.

Sy is verantwoordelik vir die historiese meubilering en versiering van die volgende museums (wat strek vanaf 1830 tot 1970): die Krugerhuis, Pionier Museum, Sammy Marks Museum en die Willem Prinsloo Landbou Museum.

Sedert 1985 het sy persoonlik, asook soms saam met ‘n span, verskeie uitstallings behartig oor ‘n
verskeidenheid onderwerpe asook konsultasiewerk gedoen by ander museums en gehelp met die datering en bewaring van antieke voorwerpe.

Annemarie was medeskrywer van die boek: “Voortrekker kleredrag 1835-40” en “Kleredrag tydens die Anglo-Boereoorlog 1898 -1902” met ‘n verskeidenheid interessante foto’s oor kleredrag van die tydperke.

Annemarie Carelsen
(Foto: Internet)

Belangstellendes kan Maandag 11 Januarie om 9:30 vir 10:00 by Humansdorp Museum, Bureaustraat 17, besoek bring en foto’s of antieke artikels saambring. Toegang is slegs R10 per persoon en R5 vir kinders. Vir navrae skakel Carel Ferreira by die museum 042 295 2503 tussen 10:00 en 15:00 weeksdae.