DIE ANDER SY VAN NAVORSING.

.Teen dié tyd is almal redelik bekend met die normale wyse van navorsing. Ek gaan dus nie daarop konsentreer nie. Almal kom op een of ander tyd voor navorsings probleme te staan, en moet maniere vind om inligting omtrent die “geheime” verlede van die voorgeslagte te bekom. By voorbeeld: Die voorgeslagte was tydens hul lewens bewus van veral bankrotskap, aanneem van buite egtelike kinders of familieskandes, en het sodanige “sondes” gewoonlik toegesmeer en as grafgeheime bewaar. Die manier van naamgewing, naamlik dat dieselfde name van geslag na geslag oorgedra was, veroorsaak ook dikwels ook baie probleme vir die navorser.

SETLAARSTOER, 9-10 APRIL 2014

Dit was met afwagting dat die 19 toergangers net voor 0800 by die Nanaga-padstal bymekaargekom het, heel betyds ten spyte van die verkeersdrukte op die N2 in die omgewing van Port Elizabeth, iets wat Jeffreysbaai se mense – en veral Naas – nie meer gewoond aan is nie! ‘n Vlugtige besoek is aan die naby geleë Methodiste-kerkie gebring waar dit heel bedrywig was soos ouers uit die omgewing hul kinders by die naas liggende skooltjie afgelaai het, waarna eetgoed by die padstal gekoop is.

WAT MY MA MY GELEER HET

Sy het my geleer van bid: "Jy moet bid dat daai kol uit die mat is as ek vanaand by die huis kom."
Sy het my geleer dat pa's slimmer as ma's is: "Gaan vra jou pa."
Sy het my geleer van plantkunde: "Lyk dit vir jou of geld op my rug groei?"
Sy het my geleer om altyd nederig en klein te wees: "Boetjie!!!!!!!!!!”
Sy het my geleer van die weer: "Dit lyk of 'n orkaan deur jou kamer is."
Sy het my van fauna en flora geleer: "Moenie vir my vertel pêredrolle is vye nie."
Sy het my geleer om myself te ontdek: "Hou op om jou soos jou pa te gedra."
Sy het my van wetenskap en kosmose geleer: "Hou jou mond en eet jou kos."
Sy het my van uithouvermoë geleer: "Jy sal daar sit tot al jou kool opgeëet is."
Sy het my geleer van sintuie: "Kinners word gesien en nie gehoor nie."
Sy het my van humor en hartseer geleer: "Hou aan lag, dan gee ek jou iets om oor te huil."
Sy het my van jaloesie geleer: "Daar is duisende arm kinnertjies wat ouers soos joune begeer."
Sy het my geleer daar is 'n plek en tyd vir alles: "As julle mekaar wil vermoor, gaan doen dit buite, ek het nou-net hier skoon gemaak."
Sy het my van wiskunde geleer: "Sit jy al weer en tanne tel?"
Sy het my van logika geleer: "Want ek sê so!!!"
Sy het my van wreedheid geleer: "Ek gaan jou gatvelle aftrek."

Geskryf deur Naas Olivier